CAPIZ – Padayon ang pag-aksyon sang administrasyon ni Governor Tony del Rosario agud mabuligan ang pag-umwad sang sektor sang agrikultura sa probinsya sang Capiz. Nagpain sang 2,850 ,000 nga kantidad naguikan sa development fund ang Gobernador para sa pagbakal sang dugang nga On-Farm and Post-Harvest Machineries sa masunod nga tuig.
Ini sa idalum sa guihapon sang Farm Mechanization Program sang gobierno probinsyal nga nagatuyo nga himuon nga mas progresibo kag madasig ang pag-ani sa probinsya.
Nahibaluan nga una na nga nagbakal sang farm machineries ang OPA kag target nga ihatag sa asosasyon sang mangunguma sa nagahapit nga selebrasyon sang Farmers Day sa Agosto.
Guinpahayag sang Gobernador nga ang agrikultura amo ang nagapanguna nga industriya nga nagabatak sang ekonomiya sa Capiz kag pangabuy-anan sang linibo ka mangunguma. ( Capiz Aksyon News Center)
(photo from web)
