CAUAYAN CITY – PORMAL NANG SINIMULAN ANG KONSTRUKSYON NG FARM-TO-MARKET ROAD AT WATER SYSTEM SA BARANGAY DICAMAY I AT II SA BAYAN NG JONES, ISABELA.
ITO AY PINANGUNAHAN NG LOCAL GOVERNMENT UNIT NG JONES KATUWANG ANG PHILIPPINE ARMY UPANG TUGUNAN ANG MATAGAL NANG PANGANGAILANGAN NG 1,500 RESIDENTE.
KASAMA SA MGA TUMULONG ANG 502ND INFANTRY BRIGADE, 513TH ENGINEER CONSTRUCTION BATTALION, AT 95TH INFANTRY BATTALION NG PHIL. ARMY, NA NAGSUPLAY NG ENGINEERING SUPPORT AT MANPOWER.
AYON KAY MAYOR NHEL MONTANO, MAKATUTULONG ANG 20 HANGGANG 22-KILOMETRONG KALSADA AT WATER SYSTEM UPANG MAPALAKAS ANG KABUHAYAN AT KALUSUGAN NG MGA MAMAMAYAN.
NAGPAABOT DIN SIYA NG PASASALAMAT SA MILITAR SA KANILANG AKTIBONG SUPORTA SA MGA RURAL NA PROYEKTO.
TINIYAK NAMAN NG LGU JONES NA MAGPAPATULOY ANG GANITONG MGA PROYEKTO SA IBA PANG LIBLIB NA LUGAR GAYA NG ADDALAM, BILANG BAHAGI NG TULOY-TULOY NA PAG-UNLAD NG BAYAN.
