Sumala ni Tata Pilaris, Farmers Organization President, kung madayon ang ayuda nga P5K ngadto kanila, magpasalamat gayod sila sa Marcos Administration, kay dako na kining tabang alang sa galastohanan sa uma sa mga mag-uuma. Aminado si Pilaris, dili pa igo ang P5K sa ilang uma, apan dako na kaayo ang maong kantidad aron madugangan ang ilang pundo sa pagmintinar sa ilang mga pananom.
Sugyot ni Pilaris, ang gobyerno maoy angay mopalit sa ilang mga produkto aron taas ang presyo ug sa ingon mokita og dako ang mga mag-uuma, dili sama sa mga traders nga halos pangayoon ang ilang mga produkto, gumikan sa sobra ka barato sa komprada ug lugi ang mga mag-uuma.
Dugang ni Pilaris, ang Farm-to-Market Road Project ug dili P5K nga ayuda kay mao kini ang gikinahanglan sa mga mag-uuma, aron dali lang ang paghatud sa ilang produkto sa merkado.
RdyoMaN Joel Viray
