Fashion designer, ginpa-blotter sang bride bangud wala mahuman ang ginpatahi nga gown sa adlaw sang iya kasal

2891

Nagpalab-ot sang reklamo sa Mandurriao Police Station si Rhea Perion, 38 anyos sang Brgy. Airport, Mandurriao batok sa designer nga ginkilala kay Melvin Aranga alyas Love Joy sang San Rafael, Iloilo kag gin-alegar nga wala mahuman ang iya ginpatahi nga wedding gown apisar naimpas na niya bayad.

Base sa blotter report , nagbayad si Perion sang 13,000.00 bilang partial payment sang Hulyo 26, 2018.


Sang Agosto 14,2018, nagpadala siya kay Aranga sang 5,000.00.

Nagdaho pa gid siya sang 12,000.00 sadtong Oktubre 2, 2018 kag sang Nobyembre , nagbayad si Perion sang 10,000.00 agud maimpas ang balaydan nga naglab-ot tanan sa 40,000.00.

Apang gin-alegar ni Perion nga wala natahi ang iya wedding gown base sa ginpromisa antes ang iya kasal sang Disyembre 30, 2018.

Ginatinguhaan sang RMN Iloilo nga makuhaan sang sabat si Aranga angut sa reklamo batok sa iya.

(photo from web/ not the actual photo)

Facebook Comments

From Advertisers