*Luwas ang kapin sa 60 ka mga pasahero sa MV St Jhudiel nga iya sa Supercat 2GO nga nagpa-utaw utaw sa kadagatan sa LUDO sa may South Road Properties nga nakasugat og problima sa dihang naguba ang steering wheel niini.*
*Matud ni Cebu City Councilor Dave Tumulak nga ang fastcraft nibiya sa Pier Uno alas 1:15 sa hapon paingun sa Tagbilaran City Bohol,apan pag-abot niinis sa Lawid Ledge, naguba ang manobela niini.*
*Ang kakusug sa bawod ug kusug ang sug’ ang nilamba-lamba sa fastcraft nga posibling hinungdan sa pagkaguba sa steering wheel sa MV St Jhudiel supercat.*
*Hinoon susihon pa sa Maritime Industry Authority ug Coastguard kon unsay hinungdan sa insidente.*
*Matud sa mga saksi nagkiling-kiling ang barko ug nagpa-utaw utaw nalang sa kadagatan.*
*Ang fastcraft giguyod pinaagi sa usa ka tugboat aron makadunggo sa Pier Uno.*
*Samtang ang medical team sa dakbayan sa Sugbo niatiman sa mga pasahero pinaagi sa pagcheck –up sa panglawas niini.*
