Ya reporta el Committee Chairman del Public Works and Highways na kamara Hon. Celso Lobregat cay ta cconduci ya aura con el feasibility study aserca el establisemiento del un pumping station na vicinidad del Pilar Street.
Si Lobregat ya abla cay del Setyembre 20 ya prinsipya ya el un consulting firm con quien ya contrata el DPWH para conduci el studyo para fuede determina si cosa clase de pumping station sila establisa na lugar.
El DPWH ya aloca cantidad de dose mil de pesos para el feasibility study que hay dura por seiz meses y realiza el disenyo lo mismo el ruta del facilidad.
Asegun con el congresista Lobregat, bien importante el establisemiento del tal proyekto porcausa cay mas ta continua subi el estado del agua na fueblo, specialmente na Pilar Street que amo ta recivi todol agua desdel mga desague na otro-otro locacion na fueblo. – *Bhong Simbajon/RMN News*
