*i Balita*
*November 28, 2020*
*(Photo from web)*
FEASIBILITY STUDY SA PAGTUKOD SANG PANAY -GUIMARAS- NEGROS BRIDGE NATAPOS NA SUNO KAY DPWH SEC. MARK VILLAR
Ginpasalig ni Dept. of Public Works and Higways (DPHW) Secretary Mark Villar nga madayun na ang plano nga pagpatukod ang Panay -Guimaras- Negros bridge.
Sa interview sang RMN Iloilo kay Sec. Villar ginpahayag sini nga natapos na ang Feasibility Study sa pinakadaku nga proyekto sa bilog nga pungsod nga ginatrabaho nila.
Sa subong nga gina- negosyar na ang loan kag nagapangita na sang funding bag-o ang procurement kag bidding para ma-umpisahan na ang construction pananglitan matigayon na ang pag–award sang proyekto sa interisado nga contractor.
Sa una nga report sang DPWH, ang Guimaras- Negros bridge ang ginabanta nga magabalor sang P123.8 billion, samtang ang Panay- Guimaras bridge naman ang magabalor sang P65.7 billion.
Apang suno kay Sec. Mark Villar, magalab-ot sa binilyon ka pesos ang pagagastuhon sa pagtukod sang proyekto.
Dugang pa sini pananglitan madayon, matapos ang bidding kag procurement sa 2021 kag ang construction naman sa 2022.
*Tags**: Luzon, Visayas, Mindanao, Kandingmybangs, iFM Fans Club OFW Chapter, iFM iloilo*
