Davao City – Ginadid-an ang elected president lakip na si Presidente Rodrigo Duterte sa pagdagan isip mosunod nga presidente sa national o federated regions panahon nga ma-aprubahan ang ginadusong bag-ong konstitusyon sa Federalismo.
Atol sa Media Advisory on Federalism nga nahitabo sa Davao City Hall, Agosto 1, gipasabot ni Consultative Committee (ConCom) Commissioner Ret. Judge Antonio Arellano nga nahilakip sa Article 22 kun Transitory Provisions sa Philippine Federal Constitution draft nga ang kasamtangang presidente ang mamahimong chairperson sa pagmugna sa Federal Transition Commission kinsa responsable sa himoong piliay.
Nakabutang usab sa susamang artikulo nga transition president ang mangulo sa ipahigayong eleksyon diin sa Sec. 6 nakasulat nga ang termino sa Presidente ug Bise-Presidente kutob na lamang sa Hulyo 30, 2022 ug dili na mamahimong lugwayan pa.
Samtang malipayon si Atty. Arellano sa paglambo sa Bill of Rights gumikan apil na dinhi ang mga katungod sa atong kinaiyahan.
Leigh Jallorina, UIC Intern
