Sa gipahigayon nga Federalism Orientation Seminar niadtong adlawng huwebes didto sa Convention & Sports Center, sa brgy. Estaka, ning atong dakbayan, ubay-ubay nga mga katawhan sa Dipolog ang mitambong sa maong seminar may kalabot kini sa gipaabante karon nga Federalism Government.
Usa sa nahimong pinasidunggang mamumulong mao si Usec. Ryan L. Estevez gikan sa Presidential Legislative Liaison Officer. Giimbetahan siya ni Gov. Roberto Uy aron ipasabot ngadto sa katawhan kun unsa gayod ang Federalism ug unsay matabang niini sa pagpalambo sa atong nasud nga pilipinas.
Kahibaloan ang mga mitambong sa maong panagtapok gilangkuban kini sa mga lider sa matag barangay dinhi sa atong dakbayan lakip na ang mga kalungsuran sa Zamboanga del norte pinaagi na usab sa ilang mga opisyales.
Halos ma puno sa mga tawo ang sulod sa Convention & Sport Center aron lang maminaw ug aron sayran kun unsa kining pederalismo nga maoy ihulip sa atong 1987 Philippines Constitution.
Butyag pa ni Usec Estevez nga kinahanglan na kita magkahi-usa ug magtinabangay aron atong makab-ot ang tinuod nga kausaban ug kalmbuan sa atong nasud pinaagi na usab sa atong pamuno nasud Rodrigo Duterte.
Kihananglan na usab nga matuldokan na ang imperialism sa manila region 3, ug 4 nga sa dili madugay ma over populated na kini nga mga lugar, hinungdan nga padayon ang ilang paglibot suroy sa mga rehiyon aron hatagan ug kahibalo ang mga katawhan may kalabot sa bag-ong pang gobyerno nga gusto i implementar ni Duterte para kita magmalambuon.
Kahinumduman nga kini man ang kanunayng mo gula sa baba ni Pang. Duterte ang pederalismo panahon sa iyang kompanya kaniadto ug ang pag-usab sa atong konstitusyon.
