Davao City – Gipaniguro karon sa mga miyembro sa Consultative Committee (ConCom) sa Federalismo nga mas mabatukan ang kurapsyon panahon nga mapatuman ang bag-ong konstitusyon.
Atol sa gipahigayong media forum on federalism karong adlawa, gibutyag ni Comm. Susan Ubalde-Ordinario nga mas mamahimong dali na lamang ang pagpaabot sa mga mulo sa katawhan ngadto sa regional states ingon man nga pinaagi na sa regional assembly ang pag-apruba sa budget sa usa ka proyekto gani dali na kining ma mamonitor sa panggamhanan.
Gipasabot ni Atty. Randolph Parcasio, adunay 18 ka mga Ombudsman sa matag federal state ug pre-audit sa tanang transaksyon diin nag pasabot nga mas istrikto ang ang pag utilize sa government funds.
Dugang ni Atty. Antonio Arellano nga ang piskalya mismo ang mamahimong attorney nga mogunit sa posibleng kaso.
Samtang gipasabot sa consultative committee nga segurado ang kalamboan sa 18 ka mga rehiyon ilabi na kadtong mga gagmay nga rehiyon diin ang ilang gipaningkamutan nga ang buwis mapadulong sa ilang nagkadaiyang estado.
RadyoMaN Jason Amisola
