Inselebrar ti Road Runners Club wenno RRC ti anibersaryo kadua ti 99.5 iFM Laoag babaen iti Feeding Program idiay Sto. NiƱo, Nueva Era, Ilocos Norte, idi kalman, Domingo, February 26, 2018.
Nakaayayo nga isem ti naisabat kadagiti riders kadua ni DJ Boom Tere iti inosente nga rupa dagiti ubbing ti barangay.
Makita ti kinaragsak agraman kadagiti inna a mangbanbantay kadagiti annakda ti naipaay nga parlor games ni Boom Tere ken dagiti balikas ni Apo babaen kenni Sister Cely Santiago iti RRC.
Napalaos ti panagyaman ti bumarangay ta napili iti lugar nga naisayangkat iti maikadua nga tawenen ti RRC nga agserserbi iti komunidad.
Ti nasao nga motorcycle riders ket grupo nga mangisaysayangkat ti Ride for a Cause nga indauluan ni Jason Santiago.
– DJ Boom Tere
