Fetus nakita sa banwa it Libacao

Una eon sa state of decomposition ro fetus nga hakita kahapon it agahon sa Pagharian Street, Poblacion, Libacao, Aklan.
Sa pakikipag-angot it RMN DYKR Kalibo kay PO2 Flormamie Zaspa it Libacao PNP, gabii eon sanda nakabaton it report halin sa tag-iya it baeay nga si Jennelyn Alog kon siin nakita ro daywang ka plastic container nga habuoe sa gina kotkot nga septic tank para sa tangkae it baboy.
Sa gin himo nga imbestigasyon it Libacao MPS, ro sambilog nga sueodlan hay naga sueod it fetus nga may haba nga 7 centimeters ag sangka babaye, ag ro sambilog nga container hay may sueod nga placenta.
Do daywang ka sueodlan hay gin daea sa Libacao Medical Center ag igto nasayuran nga rong fetus hay naga edad eon it limang buean ag una eon sa state of decomposition.
Padayon sa gihapon do imbestigasyon it Libacao MPS para masayuran man-o eon it buhay nga naka-eobong ro nasambit nga plastic container.
Samtang nasayuran nga ro baeay ag ro eogta nga gina panag-iyahan it pamilya Alog hay binakae eamang nanda ko nagtaliwan nga dag-on.
Kaangot kara nagpanawagan man do katapo it kapulisan it Libacao MPS sa ma residente sa palibot kon siin nakita do fetus nga makipagbuligan kanda para masayran kung sin-o ro responsable sa rayang krimen.

Facebook Comments