Iran – Target ng Team Pilipinas na ipalasap ang unang talo ng Iran sa 2019 FIBA World Cup Asian Qualifiers sa kanilang paghaharap mamayang alas otso ng gabi sa Azady Gym sa Tehran.
Pero kinokunsiderang underdog ang Pinoy 5 sa pagharap nila kay Hamed Haddidi ang tropa nito.
Bukod kasi sa teritoryo ito ng kalaban, hindi makakapaglaro si Greg Slaughter na siya sanang itatapat kay Haddidi sa ilalim.
Pero kahit wala si Slaughter, umaasa pa rin si Coach Yeng Guiao na bibigyan ng mga Pinoy ng magandang laban ang Iran.
Malaki rin ang paniniwala nito na maganda ang magiging kontribusyon ng mga bagong salta sa Team Pilipinas na sina Scottie Thompson, Alex Cabagnot, Marcio Lassiter, Ian Sangalang at Allein Maliksi.
Facebook Comments
