Iloilo- Dako nga kawad-an para sa Iloilo Police Provincial Office ukon IPPO ang pag-dismiss sang Ombudsman kay PCI Charlie Sustento , hepe sang Ajuy MPS kag team leader sang Provincial Drug Enforcement Unit ukon PDEU.
Suno kay Police Chief Inspector Aaron Palomo, spokesman sang IPPO, ila pa ginapaligban kon sin-o ang ibulos sa posisyon sang most awarded police officer nga si Sustento.
Ini bangud sang maayo nga performance sini sa kampanya kontra sa mga illegal nga aktibidad sa probinsya.
Nagalaum naman si Palomo nga i-reconsider sang Ombudsman ang nasambit nga desisyon agud mahatagan sang kahigayunan si PCI Sustento nga mabalik sa serbisyo.
Nahibaluan nga guilty si Sustento sang Grave Misconduct and Conduct Unbecoming of a Police Officer nga nangin rason sang iya dismissal.
