Davao City – Tungod sa COVID pandemic, limitado lang ang makasulod sa Commission on Election kun COMELEC offices alang sa filing of Certificate of Candidacy o COC kumpara sa miaging mga eleksyon nga daghan ang pwede makasulod.
Kini ang gibutyag ni Atty. Krisna Samantha Caballero, Provincial Election Supervisor sa Davao de Oro diin ang maong mando alang sa tanang offices sa COMELEC sa tibuok nasud.
Sumala niini nga usa ka aspirant uban ang duha ka suuporters lang ang makasulod sa opisina aron maka file og COC samtang ang ubang supporters mamahimo lang makahulat sa gawas.
Hugot usab gipahinumduman sa COMELEC nga atol sa filing of COC, gidili usab ang cloth mask ug angay sul-ubon mao ang surgical, K94 o K95 mask.
Magsugod ang filing of COC karong Biyernes, October 1, 2021.
Samtang, wala pa usab mando nga nadawat ang COMELEC Davao de Oro bahin sa extension sa voter registration.
“Yes, actually we’re still waiting pero malakas ng chika-chika sa tabi that there will be.That’s the possibility, kami sa field, we will just submit sa mandate na ibibigay galing sa taas,” saysay ni Caballero.
RadyoMaN Renz Barbarona
