Davao City – Pinal na ang listahan sa mga kandidato nga i-release karong adlawng Sabado, Disyembre 15, 2018 alang sa Midterm Election sa sunod tuig.
Kini ang gibutyag ni Atty. Samantha Caballero, tigpamaba sa Commission on Election (COMELEC)-XI sa pakighinabi sa DXDC RMN Davao.
Matud pa ni Caballero nga ilahang i-post sa official COMELEC website ang maong listahan sa maong adlaw aron nga mas sayon kining ma-access sa publiko.
Giklaro usab sa COMELEC-XI Spokesperson nga anaa pay hangtud sa mid-day sa election day ang substitution sa usa ka kandidato.
Kini sa kondisyon kung namatay ang kandidato o na-disqualify sa final judgment diin subay sa patakaran kinahanglang aduna kini partido ug kinahanglang susama ang apilyedo ang kinsa mang muhulip niini.
RadyoMaN Kirby Manzon
