Davao City – Minghoy nga nagpatala sa kapolisan Sta Ana PNP ang usa ka lalaki human kini gikawatan alas 3:00 sa kaadlawon sud sa iyang balay nga nahimutang sa Lot 9 Blk 58 San Antonio Agdao siyudad sa Davao.
Ang complainant mao si Dexter Lanticse, 28 anyos nagpuyo sa nasangpit nga lugar.
Matud pa nakamata si Lanticse gikan sa hinanok nga pagkatulog niini ug iya na lang nadiskubrehan nga wala niya masirad-i ang pultahan sa likod nga bahin sa ilang panimalay.
Nakawat sa maong suspek ang iyang kwarta nga mukantidad og P5,000.00, usa ka silver nga Gucci watch, usa ka relo nga G-Shock, usa ka gold necklace, duha ka cellular phone.
Human sa hitabo ang complainant igo nalang sa pagpablotter sa kapolisan sa Sta Ana PNP aron maimbestigahan kung kinsa ang maong kawatan.
RadyoMaN Don Pulayao
