Davao City – Naghulat nalang sa direktiba gikan sa central office ang Department of Social Welfare and Development (DSWD-XI), alang sa pagtunol og tabang pinansyal sa mga rice retailers nga apektado sa price ceiling.
Sa interview sa DXDC RMN Davao sa DSWD XI, gikanayon niini nga ilang ipahibalo sa publiko ang mga giya o pamaagi ug kung kinsa ang mga kwalipikado nga modawat sa financial aid human mahatag ang kamandoan.
Tumong sa maong cash assistance, aron makatabang sa panginahanglan sa mga gagmay nga negosyante og bugas nga posibleng malugi tungod sa pagpa-ubos sa presyo nga P41-45 matag kilo sa bugas.
Sumala pa sa pahayag ni DSWD Sec. Rex Gatchalian, ang matag retailer makadawat na og P15,000 sa sunod semana.
Sa pagkakaron, ang tanang buhatan sa DSWD nagpaabot nalang sa listahan nga gikan sa Department of Trade and Industry ug Department of Agriculture.
RadyoMaN Ivy Parido
Facebook Comments
