Financial assistance igahatag sa mga pamilya nga nasunugan sa Bacolod

Bacolod City – Gina-asikaso na karon sang City Government of Bacolod paagi kay Mayor Evelio Leonardia ang financial assistance sang mga nasunugan sang nagligad nga semana.

 

Sa record sang Bureau of Fire Protection (BFP), naglab-ot sa 13 ka mga balay ang gintupok sang kalayo sa nagluntad nga sunog sa Calong-calong Zone 1,  Barangay Singcang Airport.

 

Base sa imbestigasyon sang BFP  nag halin ang kalayo sa kusina sang balay ni Irene Sanz Valdevia.

 

Naka-angkun naman sang minor injuries kanday  Gloria Conag kag Marivic Estabillo samtang napatay naman si Marivic Barca bangud sa cardiac arrest sa diin nasunog man ang ila puluy-an.

 

Gina bana-bana nag lab-ut naman sa 500 mil pesos ang kahalitan sang sunog. /dyHB-Bacolod

 



Facebook Comments