Davao City – Usa ka maayong sugyot ang pagtudlo sa subject nga Financial Literacy diha sa Senior High School (SHS) Level kabahin sa hisgotanang pinansyal o mga investment.
Sugyot kini ni Davao City First District Councilor Mabel Sunga-Acosta diin mas maayong i-apil na lamang siya sa subject nga Mathematics sa higayong ipatuman na kini.
Dugang ni Acosta nga sagad rason kun nganong mabiktima sa scam ang usa ka tawo mao ang inggit kun pagka-masinahon sa isig-kaingon.
Matud ni Acosta, maayo lamang kini sa pagsugod apan sa kadugayan, wala gihapon kiniy kapaingnan.
Gibatbat pa sa konsehala nga daghang mga factor ang ikonsidera dili lamang ang values system sa eskwelahan kon dili ang mga pagpanudlo diha sa panimalay ug sa komunidad aron mapasabot ngadto sa tanan nga dili ug dili gayud maayo ang sangpotanan sa nanghingapin nga gugma sa kwarta o bahandi kun ‘love of money.’
RadyoMaN Bernard Pantallon
