Tapaz, Capiz- Lunsay ginpangdangat sa ospital ang mag-iloy makaligad ang mga ini ang nag-angkon sang paso sa kalawasan matapos masunog ang ila poluy-an malapit sa merkado sa banwa sang Tapaz.
Nagsuprer sang 1st degree burn ang 40-anyos nga si Sheila Ompar samtang 2nd degree burn naman ang naangkon sang anak sini nga si Jade Roland Gabucay, 21 anyos ang pang-edaron.
Sa imbestigasyon sang mga katapo sang *Bureau of Fire Protection sang Tapaz, naghalin sa ikaduha nga panalgan sang poluy-an ang kalayo partikular sa hulot sang anak sini nga ginapahayag may deperensya sa paminsaron.*
*Base sa panaysayon, masami nga nagahampang sang posporo ukon *lighter ang anak sini sa diin sang nakaligad nasunog man ang kurtina sang ila panimalay apang ini ang madasig nga natatapan kag napalong.
Ginabanta nga nagalab-ot sa P180, 000 pesos ang kabug-osan nga halit sang amu nga sunog sa 2nd floor sang ila panimalay.
Bangud sa madasig nga pagresponder sang mga katapo sang pamatay-sunog madasig naman nga nakontrol ang pag-ibwal sang kalayo kag wala na maglapta pa sa kahilapit nga mga pamalay.
Yara man nagresponde ang firetrucks sang Jamindan, Bingawan kag Dumalag Fire Station.
photo © Tapaz Fire Station
