Roxas City, Capiz- Isa ka panimalay ang totally-burned samtang duha naman ang partially-burned matapos nga magluntad ang sunog kaina sang aga sa Brgy. Tiza, Roxas City.
Ginatumod pa sa subong ang kabug-osan nga damage sang sunog sa poluy-an nga ginapanag-iyahan sang 73-anyos nga si Teresita Plagata.
Wala gid mapalong sang mga nagresponder nga bumbero ang kalayo nga madasig nga naglapta sa poluy-an nga himu lamang sa light materials.
Partially-burned naman ang mga poluy-an nga ginapanag-iyahan nanday Alma Alejaga kag Morita Alcoli.
Base sa inisyal nga imbestigasyon sang mga katapo sang BFP-Roxas, ang napabayaan nga saksakan amu ang gintunaan sang sunog.
Suno sa impormasyon nakabati ang mga ini sang mabaskog nga lupok sa diin ginsundan sang gulpi nga pag-ibwal sang kalayo.
Maswerte nga wala naman sang may napilasan ukon nadisgrasya sa amu nga sunog.
photo © Ferocity Fire and Rescue Volunteers
