Posible nga ikonsidera sang mga otoridad ang pagdumili sa paghimo sang mga sandcastles, fire dancers kag iban pa nga usual events kon may mga beach parties sa Boracay sa dry run sang reopening sang isla sa Oktubre 15.
Suno kay Tourism Secretary Bernadette Romulo-Puyat, tinutuyo sini nga mapanas ang imahe sang Boracay bilang isa ka party island kag para man sa conservation sini.
Dugang pa niya nga posible para lang sa mga residente sang Aklan ang nasambit nga dry run.
Suno naman kay Environment Undersecretary Benny Antiporda , posible nga dili-an man ang mga fire dancers agud maprotehiran ang puti nga balas sang isla.
Ginpahayag ni Antipodra nga imbes nga kalayo kag gas, mas maayo kon maggamit na lang ang mga fire dancers sang LED.
Gin-athag ni Antipodra nga indi man gilayon pag-ipatuman ang mga restrictions bangud proposal pa lamang ini.
(photo from web)
