Davao City – Importante nga andam gayod ang tanan inkaso’g adunay mga emerhensiya ug dili himuong rason nga walay panahon nga mubansay ang tanan para sa mga fire drills.
Gibutyag ni BFP XI Spokesperson SFO3 Ramil Gillado nga gi-require nila nga mupartisipar ang mga empleyado sa mga fire drills sa matag establisemento.
Sumala ni Gillado nga mas ila kining gipahugtan ang implementasyon subay usab atong nahitabong dakong sunog sa NCCC Mall diin daghan ang nakalas nga mga kinabuhi.
Dili gayod mu-isyu og Fire Safety Inspection Certificate kun FSIC ang BFP sa mga malls, BPOs ug mga establisyemento kung wala sila makapasar sa fire safety requirements.
Ang FSIC usa sa mga rekisitos sa pagkuha o pagrenew og business permits dinhi sa dakbayan.
Lakip sa mga requirements ang mga fire extinguishers, automatic alarm system sprinklers ug siguraduhon sa mga tagdumala niini kung gagana pa ba kini.
Sumala ni Gillado nga ipa-comply usa nila kining tanan una pa man matunulan ang mga negosyante og clearance gikan sa ilang buhatan.
RadyoMaN Aimee Guinita
