Davao City-Dako ang pagkunhod sa fire incidents nga natigayon sa Davao City kung ikumpara sa milabayng tuig.
Base sa talaan sa Bureau of Fire Protection (BFP) XI Davao City Fire District nga nakatala lamang og 224 ka sunog ang dakbayan gikan sa bulan sa Enero hangtod Agosto kung ikumpara niadtong 2016 diin adunay 432 ka sunog ang dakbayan sa susamang period.
Gipasigarbo ni BFP XI Davao City Fire District Fire Insp. Christian Cena nga kini usa ka tima-ilhan nga nahimong epektibo ang ilang padayong kampanya diha sa komunidad kalabot sa fire safety.
“Malaki po ang binagsak ng ating conflagration for this year 2017 and it implies that we already have establish an effective method of educating the public through quad media,” sumala ni Cena.
Subay niini dunay pilot testing nga gihimo ang BFP sa kauluhan kalabot sa paglakip sa fire safety education diha sa curriculum sa mga kabataan.
Samtang dinhi sa Davao City gidasig sa BFP XI ang kada barangay nga magmugna og kaugalingon nilang mga fire brigade ilabina sa mga lugar diin lisod makasulod ang mga bombero tungod sa kagamay sa ilang mga dalan.
“Para kung saka-sakali mang may 1070 sa area nila, at the first level pa lang maapula na nila ang insidente,” matud ni Cena.
Dugang ni Cena anaa karon sa P635 milyon ang damyos sa mga sunog sa dakbayan diin sagad nahitabo sa mga residential areas.
Kasamang Aimee Guinita
