Sumala sa datos sa BFP-XI, gikan Enero hangtod Hunyo 2024 adunay 1,034 ka insidente sa sunog nga natala sa syudad. Apan sa parehas nga bulan sa 2025, 628 na lang ka kaso ang narehistro, nga nagpasabot og pag-ubos sa 406 ka insidente.
Sa fire incident report, natala nga ang mga sunog sa 2024 miresulta og kadaut nga nagkantidad og Php140,174,400.00. Samtang sa unang tunga sa 2025, ang kadaut mitotal og Php105,395,965.00.
Sa mga hinungdan sa sunog, nag-una gihapon ang electrical short circuit, gisundan sa kandila ug burner, ug ikatulo ang upos sa sigarilyo.
Samtang niini, subling gipahimangnoan ang publiko nga doblehon ang pag-igmat. Sa dili pa molakaw sa ilang pinuy-anan, gikinahanglan nga siguraduhon nga naka-unplug ang tanang appliances aron malikayan ang sunog.
RadyoMan Don Pulayao
