Davao City – Luyo sa gihimong pagpangandam ug pasidaan atol ning Fire
Prevention Month batok sunog, misamot man hinoon.
Sumala ni Betty Cabasares, Kinaiyahan Foundation chairperson, usa iyang
gibasihan ang nasunog nga establisimiento sa kaulohan nga duna na puy
pipila ka mga kinabuhi ang nakalas sama sa nahitabo sa NCCC Mall sa
nakalabay’ng tuig.
Sumala ni Cabasares, kinihanglan ang kanunay nga pagsusi sa mga kagamitan
bisan pa ug nahatagan na kini sa permit.
Samtang gisugyot usab sa chairperson sa Kinaiyahan Foundation aron
mamahimong andam kanunay, kinahanglan ang regular nga mga fire drills aron
maseguro ang kaandam.
Tungod niini gingon ni Cabasares dili gayud mamahimong kampante sa mga
gihimong pagpangandam kon dili ipailawom usab sa pagpasabot o pagbansay ang
matag sakop sa pamilya kabahin sa mga buhaton aron malikay sa sunog ingon
man usab ang mga trabahante sa usa ka kompaniya o establisemento.
RadyoMaN Bernard Pantallon
