Davao City- Gisugdan na karong adlawa sa Bureau of Fire Protection ang mga aktibidades subay sa fire prevention month.
Sumala ni BFP acting spokesperson Senior fire officer 2 Ramil Gillado nga naglusad na sila og motorcade palibot ning dakbayan ug pagpatingog ug siren kaganinang buntag dungan sa pagpamisa sa ilang buhatan.
Gidugang ni Gillado nga sa Marso 4, magpahigayon sila og fire square, fire prevention games and contest sama sa drawing ug posting making contest sa elementary ug senior high school nga ipahigayon sa SM City Davao.
Samtang sa Marso 6, magpahigayon sila og fire inspection, fire safety awareness campaign, house to house campaign ug fire visibility reco-reda, gani sa Marso 10-11, maglusad sila og ugnayan sa Barangay, petsa 12 ug 16 nga dunay fire safety inspection ngadto sa call centers, hotel, ug clubs bars nights sport establishments.
Gikanayon ni Gillado nga base sa datos sa BFP, sa tibuok tuig 2017 sa rehiyon onse, nakatala sila og 760 nga insidente sa sunog nga miresulta sa kapin 2 billion pesos ang damyos samtang sa bulan sa Enero hangtod sa bulan sa Pebrero tuig 2018 nakatala og 70 ka sunog nga midamyos og kapin 6 milyones kun itandi sa bulan sa Enero hangtod sa bulan sa Pebrero tuig 2017 nga dunay 54 ka sunog nga miresulta sa kapin 36 milyones ang damyos.
RadyoMaN Don Pulayao
