El Zamboanga City Fire Department ta prepara ya este dia con el mga actividades que hay conduci sila por el principio del Fire Prevention Month aqui na ciudad que hay principia mañana, Marso uno.
Asegun con el City Fire Marshall Fire Supt. Jhufel Brañanola, hay prinsipia sila con el programa mañana pormedio del un misa alas-cingco del madrogada na Pasonanca Parish, donde desfues hay sigui el un motorcade desdel Pasonanca para na City Fire Department, done hay man junta el mga bumbero del entero ciudad para el un se llama Advocacy Rally caminando para na Paseo del Mar donde sila hay conduci con el un corto programa que ta significa el prinsipio del Fire Prevention Month.
Na programa na Paseo del Mar, hay chene el Welcome Remarks que hay rendi el City Fire Marshall F/Supt Jhufel Brañanola y desfues el mensaje del juespe de honor – Alcalde Beng Climaco-Salazar. Hay chene tambien el presentaccion del mga participantes del Fire Olympics y el Recitation del Fire Safety Covenant.
Con el tema de este año celebraccion “ Ligtas na Pilipinas and Ating Hangad, Pag-iingat sa Sunog ay sa Sarili ipatupad”, si Supt Brañanola ta continua apela con el publico para firmi proteje y evita diila mga cuerpo y propiedad queda victima del mga insendio. – Bhong Simbajon/RMN News
