Davao City – Isalig na lang sa Bureau of Fire Protection (BFP) ang mahimong resulta sa imbestigasyon sa pagkasunog sa NCCC Mall niadtong December 2017 nga mikalas sa 38 ka mga kinabuhi.
Sumala ni Rodrigo Bustilo, operation chief sa Davao City Disaster Risk Reduction Management Council (DCDRRMC), ang Bureau of Fire Protection (BFP) maoy adunay mandate diin sila ang nag-unang ahensya nga gitahasan nga mopagawas ug mga imbestigasyon.
Naglaum usab si Bustilo nga dunay manubag sa maong trahedya base sa gihimong imbestigasyon aron mahatagan usab ug hustisya ang mga biktima.
Gidugang sa operations chief sa DCDRRMC nga daghang mga leksyon ang nakat-unan gikan sa maong insidente usa na niini ang pagsunod sa mga proseso ug palisiya alang sa kaluwasan.
RadyoMaN Bernard Pantallon
