Firecracker capital of Negros apektado sang E.O angot sa paggamit sang palupok

292

HINIGARAN, NEGROS OCCIDENTAL – Gin-ako ni Hinigaran Mayor Nadie Arceo nga apektado ang mga manufacturer sang palupok sa iya banwa bangud sa ginpagwa nga Executive Order No. 28 ni Presidente Rodrigo Duterte nga naga limit sa paghimo, pagbaligya kag pag gamit sang mga firecrackers kag pyrotechnics.

Suno kay Mayor Arceo nga una nga maapektuhan ang iya mga kasimanwa bangud ang Hinigaran kilala bilang firecrackers capital sang Negros Occidental.

Apang, ginpahayag ni Arceo nga bangud mandu ini sang presidente wala siya sang may mahimo kundi sundon ini.


Sa karon, nagaplano na ang alkalde nga tipunon ang mga manufacturers nga direkta nga maapektuhan sang direktiba agud mahambalan kon paano sila mabuligan sang banwa.

Ang Hinigaran ang nagasupply sang mga palupok sa bilog nga probinsya sa tion naman nga may ara sang okasyon kag kon Disyembre sa pagsug-alaw sang bag-ong tuig.

Dugang pa ni Arceo, indi man lubos nga maapektuhan ang income sang banwa bangod pipila gid lamang ang nagakuha sang permit sa banwa kag kalabanan mga magagmay nga mga manufacturer ang nagaserbe supplier sa may ara sang permit.



Facebook Comments