Davao City – Angay rebyuhon ang legalisasyon sa pipila ka matang sa mga pabuto ug pyrotechnics sa nasud kay wala sa standard ang paggama niining mga produktoha di sama sa ubang kanasuran.
Hangtud dili gamitan og sistema sa computer ug makina ug istrikto nga palisiya sa paghimo sa pyrotechnics ug firecracker, malisud makumbinse ang tana nga paluyuhan kini, kumento ni First District Councilor Mabel Sunga-Acosta.
Matud ni Acosta, peligroso ang kinamot nga pagpabuto sa firecracker ug pyrotechnics sukwahi sa ubang kanasurandiin makina ang momaneho sa pabuto.
Ang kakulang sa regulasyon ug monitoring sa mga pabuto maoy rason nganong aduna gihapo’y mabuthan ug maputlan og parte sa lawas pagsugat sa Pasko ug Bag-ong Tuig.
Hinoon sa tan-aw ni Acosta, wala magkuLang ang gobyerno sa pasidaan ngadto sa publiko nga dili mugamit og dagku nga klase sa pabuto hilabi na sa mga lokal nga kagamhanan nga nagpatuman sa ilang firecracker bans.
Aw-ag pa sa konsehala ngadto sa mga ginikanan nga dili ug dili gayud pahawiron og pabuto ang ilang mga anak hilabi na sa mga menor-de-edad aron dili madisgrasya sa pagsugat unya sa New Year.
RadyoMaN Joel Viray
