‘First come, first serve’ policy sa COVID-19 vaccination gidili

23

Davao City – Giklaro ni Dr. Michelle Schlosser, Spokesperson sa Davao City COVID-19 Task Force nga wala gitugot ang ‘first come first serve’ policy sa pagpabakuna o walk-in vaccinees.

Matud ni Schlosser (sa interbyu sa city-owned radio), nga subay sa palisiya sa Department of Health (Philippines) ug sa City Health Office (CHO), wala gitugot ang walk-in vaccinees sa rason nga malikayan ang taas nga pila, komosyon ug aron mahimong ‘fair’ kun patas alang sa priority groups.


Dugang ni Schlosser, kini usab ang hinungdan nga adunay ginahimong pre-registration alang sa pagpabakuna aron maplastar ug mahan-ay ang nagpadayong vaccination rollout.

“Definitely po, the policy of the DOH as well as ang policy diri sa City Health Office nato, we do not do walk-in or we do not allow walk-in (vaccinees). More so, we do not allow ‘first come, first serve’ (policy), that’s why gipa-improve nato ang atong sistema sa registration,” tataw ni Schlosser.

Una nang gibutyag sa health official nga adunay gina-pilot nga sistema sa SafeDavao QR diin mamahimo na nga makapili og petsa ug oras ang usa ka indibidwal alang sa first dose sa iyang pagpabakuna.

RadyoMaN Kirby Manzon



Facebook Comments