First day sa business renewal gidagsa

22

Davao City – Mitaas ang ihap sa mga nagproseso sa unang adlaw karong tuiga alang sa pagrenew sa business permits kun itandi sa milabay’ng tuig 2018.

Sumala ni Business Bureau head Atty. Marissa Marasigan-Torentera, niabot sa 2,214 ang nagproseso kagahapong adlawa diin mas taas kini sa 1,220 atol sa unang adlaw sa pagproseso sa milabay’ng tuig.

“Mao pod gyod to among hangyo nga sa first few days pa lang mag lukat na sila sa ilang mga business permits,” segun niini.

Gani gilauman ni Torentera nga mas mudaghan pa ang mag renew sa ilang mga permits karong tuiga ug gipaniguro nga andam ang ilang mga personahe nga mu-cater sa mga magparenew.

“For new business permits mao lang gihapon ang requirements under ordinance implemented since Jan 1, 2018,” pagpasabot sa business head.

Matud sa hepe sa Business Bureau nga gipalugway pa ang pagrenew sa mga business permits pinaagi sa gi-amyendahang local code sa national law diin kini mahitabo tibuok bulan sa Enero diin sa petsa 31 ang deadline.

RadyoMaN Jason Amisola

Facebook Comments