Para mejora el diila capasidad responde na algun mga criminalidad, el Zamboanga City Police Office (ZCPO) ya initia con el dos dias First Responder Seminar (FRS) para con el deferentes law enforcement agencies que ta opera aqui na ciudad de Zamboanga.
Asegun con el hefe del Mando Policia Local Senior Supt. Neri Vincent Ignacio, el mensyonao seminar chene en intension para dale el bastante saver con el mga personajes del Task Force Zamboanga, Coast Guard, Philippine Navy y mismo policia para responde na algun cosa mga incidente que hay ocuri na future, especialmente na aspeto de crimen.
Si Ignacio ya habla cay mas major el contribusyon del otro mga se llama “friendly forces” coneste pelea contra crimen especialmente que aura, nuay pijo si cuando y donde estos mga criminal hace victim algun inosente sibilyan o diila mga contraryo y victima. – *Bhong Simbajon/RMN News*
