Fish car , ambulansya ug motorsiklo nagkarambola-6 samdan

General Santos City–Mukabat ngadto sa 6 ka indibidwal ang naangol sa nahitabong banggaanay sa usa ka fish car ug usa ka ambulansya ala 1:00 ang takna sa hapon sa National Highway , Barangay Labangal ning syudad.

Sumala pa ni Police Staff Sergeant Furtunato Duat ang mi-responde sa maong panghitabo nga padulong matud pa sa fishport ang fish car nga gimanihuan sa usa ka Andres Bajinting, 36 anyos nga nanimuyo sa Kentakal, Malalag Cogon, Malungon Sarangani Province samtang pabalik na sa pres. Quirino Sultan Kudarat ang ambulansya nga gimanihuan sa usa ka Dan Bryle Estiablo, 19 anyos nga nanimuyo sa Pres. Quirino, Sultan Kudarat sa dihang kalit lang mi-overtake ang fish car sa mga na una nga sakyanan ug wala niini nakita ang padulong nga ambulansya hinungdan nga nag bangaanay ang mga nasangpit.

Nadamay sab ang usa ka motorsiklo nga gimanihuan ni Rex Batal, nga nagsunod matud pa sa ambulansya ug mibangga sa likod sa maong sakyanan nga hinungdan sa pagbaton ug minor nga samad ni Batal.


Samtang nangahulog sa ilahang gikahimutangan ang 4 ka mga labor sa fish car nga silang Allan Bantuyan , 33 anyus, Ricardo MangaƱon, Melvin Banhao, 17 anyos, ug Danny Tanduyan nga pulos nanimuyo sa Malungon Sarangani Province.

Sa karon takda matud pang operahan ang driver sa ambulansya nga naka-angkon ug bali sa tiil sa usa ka pribado nga balay tambalanan ning syudad samtang nagpabilin pa sa sa Dr. Jorge Royeca Hospital ang labor nga si Allan Bantayan human nga nabali ang kamot niini.

Samtang anaa na sa kustudiya sa Traffic Management Unit ang driver nga si Banjinting ug posible kining pasakaan ug kasong reckless imprudence resulting to physical injury ug damage of property.

Facebook Comments