San Miguel, Zamboanga del Sur – Patay ang 50 anyos nga fish vendor human kining na-aksidente sa Purok Ipil-ipil, Bulawan, San Miguel, Zamboanga Del Sur ala 1:30 kagahapon sa hapon.
Giila ang biktima nga si Rogelio Donguines, residente sa Purok Balimbingan Labangan ning probinsya.
Sa inisyal nga imbestigasyon nasayran nga samtang gimaneho sa biktima ang iyang motorsiklo nga Honda CB-125, color blue, gikan kini sa Margosatubig paingon sa syudad sa Pagadian aron paghatod sa nakumpra nga isda, apan aksidente nga nawad-an og control ang biktima paghidangat sa Purok Ipil-ipil, Bulawan, San Miguel.
Mahagbong ang motorsiklo sa biktima sa kilid sa kalsada og napantok ang agtang niini sa bato.
Daling gidala sa Rural Health Unit sa San Miguel ang maong fish vendor aron katambalan apan gideklara nga dead on arrival.
