Davao City – Nakabsan sa kinabuhi ang usa ka fish vendor nga taga Brgy.21-C syudad sa Davao tungod matud pa sa COVID-19 niadtong adlawng sabado (June 13,2020).
Sa pakighinabi sa DXDC RMN Davao kang Brgy. Kapitan Edmundo Altizo Sr., Brgy. 21-C kapitan, kining namatay usa ka lalaki nga gitago lang sa pangalan alyas Joel, nagpangidaron ug 39 anyos, nagapamaligya og isda.
Segun ni Kapitan Altizo nga gipailawom na sa lockdown ang pinuy-anan sa namatay apil na ang mga silingan diin 14 ka mga balay ang gi-lockdown sa Purok 8-A Block 57 sa nasangpit nga barangay.
Una niini, matud ni Kapitan Altizo nga upat lang kaadlaw naadmit sa ospital una namatay ang fish vendor human nakasinati ug pagpanakit sa lawas, kalintura ug pag-ubo.
“Naadmit sa hospital ug ang DOH gyod ang nag-declare ani nga positive sa COVID-19 ang namatay sa among Barangay, kagahapon (June 13, 2020) namatay mag upat lang ka adlaw sa hospital,” segun ni Kapitan Altizo.
RadyoMaN Don Pulayao
