Davao City – Angayan lamang nga himoon nang fixed ang sweldo sa mga bus drivers ug conductors sugod karong March 9 tungod kay nagtrabaho man sila sa mga kompaniya.
Sumala ni Southeastern Mindanao Diversified Drivers and Operators Cooperative (SEMDDOC) Chairman Maning Duran, daku’g kita ug daghang makargang pasahero ug lagyo ang mga biyahe maoy hinungdan nga aduna gayuy sarang ika-sweldo sa ilang mga konduktor ug driver sukwahi ra sa mga Public Utility Jeepney (PUJ) drivers nga boundary lamang ang ilang sistema.
Giklaro usab ni Duran nga dili garantiya nga wala nay disgrasya sa kadalanan nga mahitabo gumikan kay fixed na ang ilang sweldo sanglit ang disgrasya, dili gayud malikayan.
Matud ni Duran, duha ka matang ang disgrasya: Una, behavioral kun driver’s error ug ikaduha, mechanical error kun mga lapses diha sa sakyanan mismo or bin ba kaha sa mga factors diha sa kalsada.
RadyoMaN Bernard Pantallon
