Sa interbyu sa DXDC RMN Davao kang Police Major Rodante Varona, Acting Chief Police sa Santo Tomas Municipal Police Station (MPS), giila niini ang suspek nga si alyas Jen, 45 anyos, biyuda, sales agent, ug residente sa nahisgutan lugar.
Saysay ni Varona nga nagakolekta og kwarta ang suspek bugti sa pagproseso sa mga titulo sa yuta apan walay transaksyon nga mahitabo. Dili lang usab usa lang ang nabiktima niini kundili aduna pay mga buot musumbong sa pulis sa iyahang iligal nga binuhatan.
“Ang iyahang modus ani is mag-promise siya nga ayuson ang mga titulo (sa mga biktima) tapos kuhaon ang original nga title. Tapos, makahibalo nalang sila nga dugay. Nganong wala pay title nga mahimo,” butyag ni Varona.
Gidugang sa police official nga nakapyansa ang suspek og P18,000 bugti sa iyang temporaryong kagawasan.
Nagpahimango ang awtoridad nga dili dayon musalig sa mga tawo ilabi na ang paghatag og mga importanteng dokumento.
RadyoMaN Kirby Manzon
