Wala ginla-uman sang isa ka Chinese flight attendant nga mangin rason sa pagkadula sang iya trabaho ang ginhimo nga wedding proposal sang iya nobyo sa sulod mismo sang eroplano sa tunga-tunga sang biyahe.
Ang sweet video sang magkahagugma ang nag-viral matapos nga ginkuhaan ini sang nagligad nga bulan sang Mayo subong nga tuig.
Matapos ang kapin sa apat ka bulan, sang nagligad nga Setyembre 12, nagpagwa sang dismissal letter ang China Eastern Airlines batok sa wala ginhingadlan nga flight attendant nga ginreport pa sa isa ka Singaporean TV Channel.
Suno sa airline company nagtuga sang disturbance ang nasambit nga proposal kag ang pagkakas sang mga pasahero sang ila seat belt kag pagsaylo- saylo sang mga pasahero nga maga-epekto sa balance sang eroplano kag air flow sa sulod.
Nanari-sari naman ang reaksyon sang netizens sa desisyon sang airline company sa diin may yara sang nagpabor samtang may yara naman ang wala nagustohan ang desisyon kag gintawag pa nga indi ini makatawo.
