Davao City – Gikumpirma ni Davao City Mayor Sara Duterte-Carpio nga adunay mga nagpositibo sa Coronavirus Disease 2019 (COVID-19) nga mga flight passengers gikan Cebu City pagabot niini sa Davao City International Airport.
Dugang niini nga miaging semana nagpahigayon og random ug voluntary nga reverse transcription-polymerase chain reaction (RT-PCR) test sa mga locally-stranded individuals (LSIs), Overseas Filipino Workers (OFWs) ug mga regular flight passengers.
“Gikan sa Cebu, nakakuha ta’g mga (COVID-19) positive nga nagsakay og airplane. Nakuha nato ni sila pinaagi sa RT-PCR testing upon arrival sa Davao International Airport,” butyag sa alkalde.
Dugang pahimangno sa mayor sa publiko nga kung aduna may paryente o higala nga gikan sa laing lugar siguradohon nga magpatuman og ‘strict home quarantine’ ug likayan una kini aron likay sa posibleng pagkatakod sa maong virus.
Hinuon gipaniguro sa mayora nga mas gipakusgan niini ang health screening sa tanang musulod dinhi sa Davao City ayha pa man nag Modified General Community Quarantine (MGCQ).
RadyoMaN Kirby Manzon
