Davao City – Anaa na sa ospital ang pasaherong sakay sa commercial flight nga nagpositibo sa Coronavirus Disease 2019 (COVID-19) atol sa health screening sa Davao City International Airport.
Matud ni Davao City Mayor Sara Duterte-Carpio nga nag positibo kini sa gihimong reverse transcription-polymerase chain reaction (RT-PCR) test pag abot sa syudad sa Davao human kini nagbaton og kalintura nga usa sa simtomas sa virus.
“Duna tay nakuha nga positive dinha sa health screening nato sa airport for a regular commercial flight. Dili siya LSI (locally-stranded individual) ug dili pod siya OFW (Overseas Filipino Worker),” butyag sa alkalde.
Samtang, nagtanyag ang City Government of Davao og libreng COVID-19 RT-PCR testing sa mga pasahero nga nangabot sa Davao City airport sugod June 8, 2020 hangtud sa kasamtangan.
Gamiton usab ang pondo sa Bayanihan Grant sa boluntaryo ug libreng testing sa nahisgutang mga pasahero.
RadyoMaN Kirby Manzon
