Flights patungong Haneda, nagbukas na muli matapos ang banggaan ng 2 eroplano sa Japan kahapon

Balik na sa normal ang flights mula Pilipinas patungong Haneda Airport sa Japan.

Kasunod ito ng pansamantalang pagsasara kahapon ng Haneda Airport makaraan ang banggaan sa tarmac ng eroplano ng Japanese Coast Guard at ng Japan Airlines.

Ayon kay Phlippine Airlines (PAL) Spokesperson Cielo Villaluna, balik na rin sa normal ang arrival sa NAIA ng kanilang flight mula Haneda Airport.

Una nang naantala ang flights ng PAL mula at patungo ng Haneda kagabi dahil sa naturang trahedya.

Sinasabing 3 ang namatay sa banggaan ng dalawang eroplano sa Japan.