Davao City – Kapin duha ka milyon ka pesos ang kantidad sa dul-an 40 ka mga bloke sa cocaine nga gidagsa sa baybayon sa Caraga, Davao Oriental.
Sa press conference, gisulti ni Police Chief Supt.Marcelo Morales, Police Regional Office (PRO-XI) Regional Director nga ang nakit-ang mga cocaine sa Caraga susama kini sa mga nakaplagan sa kadagatan sa Siargao Island ug Tandag, Surigao del Sur.
Alayon niini nanawagan si Morales sa katawhan sa pagreport gilayon sa mga awtoridad kung dunay makit-an sa ilang mga lugar tungod kay grabing kadaut ang ihatag niini sa higayong i-despatsar na kini.
Nagtoo ang kapulisan nga ang maong mga droga gikan sa mga international sea vessels nga padayon pang gisusi karon.
Giklaro usab ni Morales nga pasakaan ug kaso ang kadtong mahibaw-an nga nagtago sa maong droga nga wala gi-surrender.
RadyoMaN Bernard Pantallon
