Flood-affected residents sa Tagum City giayudahan

Davao City – Nagpahigayon og rescue operation ang City Government of Tagum kagahapong adlawa (Marso 1, 2022) sa mga lugar nga naapektuhan sa pagbaha sa syudad sa Tagum.

Gilayong nag-deploy og rescue units ang City Disaster Risk Reduction and Management Council (CDRRMC) partikular na sa Purok 4, Barangay Canocotan diin walo ka pamilya o (14) ka indibidwal ang na-rescue ug gilayong gi-evacuate sa Herculina Edig Elementary School sa Canocotan.

Naghimo usab og recue operation ang team sa Purok 2, Barangay San Miguel, Tagum City nga apektado usab sa baha ug uban pang mga areas.

Samtang, Lunes pa lang sa gabii (Pebrero 28, 2022), nag-apod-apod na og ayuda (food packs) sa apektadong residente pinaagi sa CDRRMO personnel, Tagum Reservists, Boy Scouts of the Philippines Tagum Council, ug personahe gikan sa City Social Welfare and Development Office (CSWDO).

Gilayong gi-deliver ang mga food packs sa mga evacuation sites pinaagi sa Task Group Hatod Suporta alang sa mga biktima sa pagbaha.

RadyoMaN Kirby Manzon