Davao City – Kasuhan pinaagi sa regular filing ang mga nadakpan human nakalapas sa gipatumang number coding scheme sa Food and Medicine Pass dinhi sa Davao City.
Sa interbyu sa DXDC RMN Davao kang Davao City Police Office City (DCPO) Director Police Col. Kirby John Kraft, 256 ka mga violators ang ilang nadakpan sa mga kadalanan nga naglatagaw gihapon bisan dili kini awtorisadong mugawas.
Sa obserbasyon sa DCPO, epektibo ang implementasyon sa number coding sa FM Pass diha sa paglimita sa mga tao sa kadalanan kung itandi sa nakalabay’ng mga adlaw luyo sa gipatumang Enhanced Community Quarantine (ECQ).
Mando niini sa mga awtoridad, siguraduhong ma-check gayod og sakto ang ubang identification cards ug dili hawiran ang FM pass sa mga tao.
RadyoMaN Aimee Guinita
