Davao City – Dayag nga nabahin sa duruha ka punto de vista ang reaksyon sa tawo sa sugyot nga banhawon ang Food and Medicine Pass (FM Pass) taliwala sa kampanya kontra pandemic.
Sa usaka bahin, suportado sa mga ahensiya sa gobyerno sama sa Davao Public Safety and Security Command Center (PSSCC) ang baruganan ni Mayor Sara Duterte-Carpio nga dili na ibalik o subling ipatuman ang FM Pass dinhi sa dakbayan sa Davao.
Samtang sa pikas bahin, ubay ubay ang uyon sa FM Pass reimposition tungod sa padayong pagsutoy sa COVID cases denhe sa atong lugar ug sa argumento nga mandato sa estado paghugot sa movement restrictions gumikan sa virus.
Sa iyang kabahin, gibutyag ni PSSCC Head Angel Sumagaysay nga gipamulong na sa mayor ang iyang pagkontra sa pagbalik sa FM Pass nga mag-limit unta sa lihok kun movement sa katawhan ilabi na karon nga taas pa gihapon ang kaso sa COVID-19.
Segun ni Sumagaysay nga ubos sa Modified General Community Quarantine (MGCQ) setup or classification, ang FM Pass dili na required sa publiko gumikan gigamit lamang kini dihang nailawom pa kita sa Enhanced Community Quarantine (ECQ).
Gisulti ni Sumagaysay nga ang ilang gihimo karon mao ang pag-imposar sa mga mando sa alkalde sama sa Adjusted Curfew Hour ug pagsita sa mga maabtan og gabii hilabi na kung makaagi sa mga checkpoints.
Sumala ni Sumagaysay nga nakig-alayon na usab sila kang ABC President Edgar Ibuyan aron awhagon ang mga Barangay Captains sa pagtabang og pagpatuman sa curfew ug uban pang critical health protocol diha sa barangay.
Dugang sa maong opisyal nga ila na usab gipahugtan ang pagbantay sa mga balay nga gi-lockdown aron maseguro nga walay mga maka-eskapo ug makatakod sa uban.
“The Mayor has spoken na dili na niya gusto ibalik ang ingon adto (FM Pass) ug ang akoa na lang dinhi, pahugtan na lang nato ang implementation sa mga Executive Orders nga iyang gipakanaug.. So much better, mag-stay at home na lang,” dugang sa PSSCC chief.
RadyoMaN Joel Viray
