Focused military operations pakusgan

19

Davao City – Mas pakusgan ug pahugtan karon sa 10th Infantry Division Philippine Army ang ilang focused military operations ug security measures sa ilang Area of Responsibility kun AOR human sa gihimo sa New Peoples Army (NPA) sa pagpangdagit ug sundalo ug CAFGU sa Mati niadtong Hunyo 10, 2018.

Sumala ni 10th ID spokesperson Capt. Jerry Lamosao atol sa AFP-PNP presscon nga alerto karon ang kasundaluhan ilabi na atol sa admin activities diin kahinumduman nga gidagit ang mga biktimang sila Cpl. Johannes Parreño sa 28th Infantry Batallion (IB) ug si Dindo Sagayno CAFGU Active Auxiliaries (CAA) ubos sa 72nd IB Mati City, Davao Oriental nga walay mga armas human gikan sa admin activity niadtong tungura.

Matud ni Lamosao nga dili ra kaayo makaapekto sa national level ang gihimo karon sa NPA sa Mati apan aduna gihapon ni gamay nga hisgutanan sa hinabing pangkalinaw ilabi na nga sa ginaingon ni Presidente Rodrigo Duterte nga undangon na pikas pundok ang pagpangdagit, pagpangilkil, pagpanunog sa mga ekipo sa mga negosyante ug uban pang dili maayong hinimuan aron subli ng makab-ot ang kalinaw sa nasud tali gobyerno sa Pilipinas ug NPA.

RadyoMaN Renz Barbarona

Facebook Comments