General Santos City–Pormal nang gipasakaan ug kaso sa mga personahi Malungon Police Station ang gikunsedirang top 2 nga nalambigit sa ginadiling droga nga si Rufino Santos III, 45 anyos ug residente sa Purok 2, barangay Malandag, Malungon Sarangani Province.
Nasayran nga bandang alas 5:00 sa hapon niadtong nalabayng adlaw una nang nasikop sa gipahigayong buy bust operation sa nasampit nga lugar si Santos kung asa nakuha sa posisyon sa nahisgutan ang pipila ka sachet sa gituohang shabu ug marked money nga P500.00.
Gikaingong dugay nang gipanid-an sa Malungon PNP ang iligal nga aktibidad sa suspek ug dihang sila nakapangitag tsansa ila dayon nga gipahigayonan ug operasyon ang suspeknga miresulta sa pagkasikop niini. (Ray Sabillo)
Facebook Comments
